Дзяржаўная навуковая ўстанова

"Інстытут агульнай і неарганічнай хіміі Нацыянальнай акадэміі навук Беларусі"

Створаны 1 студзеня 1959 года загадам Прэзідыума АН БССР ад 24.12.1958 № 250 у выкананне пастановы ЦК КПБ і СМ БССР

ад 19.09.1958 № 671 аб раздзяленні Інстытута хіміі АН БССР

на два інстытуты: Інстытут агульнай і неарганічнай хіміі АН БССР  і Інстытут фізіка-арганічнай хіміі АН БССР.

Інстытут замацаваны за Аддзяленнем хіміі і навук аб Зямлі і ўваходзіць у склад Дзяржаўнага навукова-вытворчага аб'яднання "Хімічныя прадукты і тэхналогіі"

Цяпер у Інстытуце навуковымі даследаваннямі займаюцца 6 даследчых лабараторый.

Калектыў інстытута ўключае 82 работнікаў, з іх 19 кандыдатаў і 6 дактароў навук у складзе 63 даследчыкаў.

Падрыхтоўка аспірантаў ажыццяўляецца па спецыяльнасцях 02.00.04-фізічная хімія, 02.00.11-калоідная хімія

ДЫРЭКТАР

Кулак Анатоль Іосіфавіч 
доктар хімічных навук, прафесар,

акадэмік НАН Беларусі

НАМЕСНІК ДЫРЭКТАРА ПА НАВУКОВАЙ
І ІНАВАЦЫЙНАЙ ПРАЦЫ

Аўсеенка Людміла Васільеўна 
кандыдат хімічных навук

НАМЕСНІК ДЫРЭКТАРА ПА НАВУКОВАЙ
І ІНАВАЦЫЙНАЙ ПРАЦЫ

Рацько Аляксандр Анатольевіч 
кандыдат хімічных навук

АСНОЎНЫЯ НАПРАМКІ ДЗЕЙНАСЦІ:

• Распрацоўка тэхналогій перапрацоўкі полімінеральных калійных і фасфатных руд, канверсійных метадаў атрымання сульфату калію, тэхналогій узбагачэння сільвінітавых руд і павышэнне якасці мінеральных угнаенняў. Распрацоўка зыходных дадзеных і абгрунтаванне тэхналагічных падыходаў да арганізацыі новых горна-абагачальных вытворчасцей. Інжынірынгавае суправаджэнне тэхналагічных праектаў па стварэнню новых буйнатанажных вытворчасцей па перапрацоўцы мінеральных солей і пабочных прадуктаў іх вытворчасці.

•  Абгрунтаванне тэхналогій вытворчасці новых форм мінеральных угнаенняў, у тым ліку комплексных, якія змяшчаюць мікраэлементы і стымулятары росту раслін. Распрацоўка мадыфікуючых дабавак і саставаў гідрафабізуючых кампазіцый для агламеравання дробнадысперсных хімічных прадуктаў, тэхналогій атрымання грануляваных матэрыялаў метадамі акочвання і прасавання.

• • Рэгуляванне працэсаў структураўтварэння, тэрмадынамічнай і агрэгатыўнай устойлівасці нафтавых і аргана-мінеральных дысперсій хімічнымі рэагентамі, з мэтай стварэння новых эфектыўных мадыфікатараў і кампазіцыйных матэрыялаў для выкарыстання ў энерга- і рэсурса-ашчадных тэхналогіях у грамадзянскім, дарожным будаўніцтве і ў нафтаперапрацоўчай прамысловасці.

• • Стварэнне новых неарганічных адсарбентаў, каталітычна актыўных і мембранных матэрыялаў для водападрыхтоўкі і ачысткі тэхналагічных вадкіх асяроддзяў, новых кампазіцыйных і гібрыдных біянеарганічных матэрыялаў.

•  Адсарбцыйнае мадыфікаванне паверхні, флакуляцыя і стабілізацыя ў гетэрагенных солевых дысперсных сістэмах водарастваральнымі палімерамі ў працэсах перапрацоўкі мінеральных руд, водаачысткі і водападрыхтоўкі;

• • Распрацоўка новых хімічных дабавак – пластыфікатараў, гідрафабізатараў, герметызавальных, гідраізаляцыйных, антыкаразійных матэрыялаў для бетонных і металічных канструкцый.

Беларусь, 220012, г. Мінск, вул. Сурганава, 9/1

Час працы арганізацыі:  пн-пт 9.00-18.00, вых. - сб, нд.

тэлефон +37517-284-27-42,   факс +37517-284-27-03,    E-mail: secretar@igic.bas-net.by